*حوار مع صديقي المُسلم*​

⠀​

- النهارده ١٤ فبراير ايه ماجبتش هديه ولا وراك معاد كده ولا كده

* يابني مانت عارف انا لسه سينجل واصلا الفالنتين حرام.​

- ههههههههه

​* بتضحك علي ايه؟!​

- ايه ده انت بتتكلم جد؟ .. وايه الي حرموا!​

* يابني هو احنا الي هنعيده نزيده إحنا كمسلمين ماعندناش غير عيدين عيد الأضحى وعيد الفطر​

- ياعم ماحدش قال حاجه بس ده يوم يتيم الناس بتعبر فيه عن حبهم لبعض حتي مش لازم الحب الرومانسي ممكن تعبر عن حبك لأمك لأبوك لأخوك لأختك وتجبلهم هديه بسيطه كده!​

* مهو لو عايز تحتفل بعيد احتفل بيه صح يا بلاش .. ابوك وامك ايه اذا كان العيد قائم علي القصه التاريخيه للقديس فالنتاين و الجواز و الحب بين الشباب او قصة الرساله الي بعتها لبنت سجانه و كل القصص أصلها ديني بحت.​

​- يابني قرفتنا و بهدلت المسيحيين مع اي مناسبه بنرفه بيها عن نفسنا ونشم شوية هوا تروح لازقها في المسيحيين!​

​* اعملك ايه ما انت الي عبيط و بيضحك عليك بسهوله ومش بتدور ورا اصل الأشياء، اولا المسيحيين اصحابنا زينا بالظبط مالهمش ذنب، كل الاختراعات دي جايلنا من مسيحي اوروبا الي بيصدقوا اي هجص .. حاجات مالهاش اصل علي شوية اساطير مع رأس ماليه واضربهم في الخلاط يطلعلك احلاها عيد.​

​- يعني انت دلوقتي مشكلتك ان العيد اصله ديني ولا اننا بس لينا عيدين الأضحى و الفطر ولا الرأس مالية؟!​

* جميع ما سبق​

​- طب وعيد العمال؟​

* انت جاي تهزر بقى!​

- انا برضو مش مقتنع فيها ايه لما نحتفل بالفالنتاين؟​

* منا قولتلك يا تحتفل بالعيد صح يا بلاش .. ده عيد القديس فالنتاين اي كان قصته يا تحتفل بيه وانت عارف ان العيد ده اصله ديني يا تبعد عن الشبهات و هات هدايا لكل الناس الي تعرفهم في اي وقت تاني وعبرلهم عن حبك وتقديرك ليهم يا سيدي براحتك.​

​- قفلتها في وشي يعني! طب ايه رأيك انا سئلت الشيخ وقال حلال.​

* ايوه عارفه الشيخ ده الي بيحلل اي شيء علشان يظهر الاسلام علي انه دين كيوت وحب وسلام .. انت عارف كويس الصح من الغلط ​ وكلام ربنا و رسولة واضحين في النقطه دي و كلنا هنتحاسب علي افعلنا ماحدش هيشيل عننا يوم القيامة.​

​- طب ايه مش هتقفل المنشور بأية او حديث تحث علي عدم التشبه بغير المسلمين او انه يجب مخالفتهم زي كل مره!​

* لا ياسيدي انت راجل كبير وشاطر وعارف كل ده بس بتستهبل ولو حابب تراجع، الحج جوجل موجود.